Yr Undeb Ewropeaidd yn debygol o fethu targed hinsawdd 2030

 

Mae’r Undeb Ewropeaidd yn debygol o fethu eu targed lleihau nwy tŷ gwydr erbyn 2030.

Dywed yr Asiantaeth Amgylchedd Ewropeaidd fod mesurau presennol yn golygu y bydd yr Undeb Ewropeaidd wedi lleihau ei allyriadau carbon dioxide a llygryddion aer eraill o 30% erbyn 2030 o’i gymharu â lefelau 1990.

Ond roedd yr Undeb Ewropeaidd yn anelu am leihad o 40% erbyn 2030, ac mae rhai arweinwyr yn galw am y targed i gael ei godi 55%, gyda thaged tymor hir o ddod a therfyn i lygryddion newydd erbyn 2050.

“Mae tueddiadau diweddar yn dangos fod cynnydd mewn lleihau llygryddion, gwella effeithlonrwydd ynni a’r ganran o ynni adnewyddadwy wedi arafu,” meddai’r asiantaeth yn eu hadroddiad.

“Wrth edrych ymlaen, dyw’r raddfa bresennol o gynnydd ddim yn ddigon i gyrraedd targedau hinsawdd ac ynni 2030 a 2050”.

Cafodd yr adroddiad ei ryddhau wrth i swyddogion o bron i 200 o wledydd gyfarfod yn Madrid ac gyfer trafodaethau hinsawdd y Cenhedloedd Unedig.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones