Gweinidog llywodraeth Catalwnia yn gwrthod ildio’i hun i’r heddlu

 

Gorymdaith o blaid annibyiaeth i Gatalwnia y llynedd

Llun: Cai Elis

Mae un o weinidogion Catalwnia sy’n wynebu cael ei hestraddodi i’r Alban am ei rhan yn y refferendwm annibyniaeth yn dweud nad yw hi bellach yn bwriadu mynd at yr heddlu o’i gwirfodd.

Mae gwarant wedi’i gyhoeddi i arestio Clara Ponsatí, athro economeg ym Mhrifysgol St Andrew’s yng Nghaeredin.

Mae hi wedi’i hamau o annog gwrthryfel, ac mae’n wynebu 15 o flynyddoedd dan glo.

Roedd disgwyl iddi fynd at yr heddlu yfory (dydd Iau, Tachwedd 7), ond mae ei chyfreithwyr yn dweud bod yna anghysonderau yn ei gwarant, sydd wedi cael ei dychwelyd i Sbaen am eglurhad.

Y disgwyl yn ôl ei gwarant yw y dylai hi fynd at yr heddlu ar Dachwedd 14.

Ymateb cyfreithwyr

“Dyma trydydd ymgais Sbaen i estraddodi Clara nawr, ac maen nhw wedi’u cyhuddo o gamddefnyddio’r broses warant Ewropeaidd i arestio,” meddai Aamer Anwar, ei chyfreithiwr.

“Rydym wedi cael gorchymyn i amddiffyn Clara yn gadarn yn erbyn yr hyn mae’n ei galw’n ‘weithred o ddial sydd wedi’i gyrru gan y farnwriaeth’ yn erbyn y gwleidyddion yng Nghatalwnia.”

Cefndir

Fe gafodd Clara Ponsatí ei harestio gyntaf fis Mawrth y llynedd, ac roedd disgwyl i wrandawiad yn Llys Siryff Caeredin ym mis Gorffennaf y llynedd. Ond cafodd cais ar gyfer yr achos ei ddileu gan farnwr yng Ngoruchaf Lys Sbaen, a daeth yr achos i ben.

Roedd disgwyl y byddai gwarant arall yn ei lle ar ôl i nifer o wleidyddion eraill gael eu carcharu yn Sbaen.

Gallai gwrandawiad arall bara rhwng deufis a thri mis.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones