Diagnosis cynnar yn allweddol i gleifion canser y pancreas

 
Canser y pancreas

Canser y pancreas

Fe fydd ymgyrchwyr yn tynnu sylw at bwysigrwydd diagnosis cynnar ar Ddiwrnod Canser y Pancreas y Byd eleni.

Y canser hwn sydd ag un o’r cyfraddau goroesi isaf, gyda llai na 10% yn byw’n hirach na phum mlynedd.

Mae mwy na 1,184 o bobol yn marw o’r salwch bob dydd ym mhob rhan o’r byd. Dyw’r symtomau ddim fel arfer yn ymddangos tan ei bod yn rhy hwyr i drin y canser, ac maen nhw fel arfer yn cael eu trin fel symtomau salwch arall.

Mae’r symtomau’n cynnwys poen cefn a stumog, colli pwysau a chlefyd melyn. Dyw hi ddim yn glir ar hyn o bryd beth sy’n achosi’r salwch, a does dim proses sgrinio ar ei gyfer.

Fe fydd mwy nag 80 o sefydliadau o 30 o wledydd ar chwe chyfandir yn codi ymwybyddiaeth o’r symtomau eleni.

Yr ymgyrch

Mae pobol ar draws y byd yn cael eu hannog i fynd i wefan www.worldpancreaticcancerday.org a rhannu fideos a phostiadau ar wefannau cymdeithasol Facebook a Twitter.

Mae modd rhannu postiadau gan ddefnyddio’r hashnodau #WPCD a #DemandBetter, a dilyn cyfrifon @worldpancreatic ar Twitter a @worldpancreaticcancerday ar Facebook.

Gall pobol hefyd gefnogi’r ymgyrch drwy wisgo porffor ar Dachwedd 21.

Iechyd

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones