Teiffŵn yn Japan: dwsinau wedi marw

 

Teiffwn

Llun: CC0

Mae dwsinau o bobol wedi marw ar ôl i storm bwerus daro Japan dros y penwythnos.

Daeth Teiffŵn Hagibis â chawodydd trymion a gwyntoedd cryfion ar ddydd Sadwrn (Hydref 13), gan adael miloedd o gartrefi ar brif ynys y wlad naill ai heb drydan neu wedi eu difrodi.

Mae’r awdurdodau hefyd yn rhybuddio bod llithriadau mwd yn dal i fod yn bosib, wrth i ragolygon y tywydd addo rhagor o gawodydd mewn rhai ardaloedd heddiw (dydd Llun, Hydref 14).

Yn ôl y gwasanaeth newyddion, Kyodo News, mae 36 o bobol wedi marw o ganlyniad i’r tywydd garw, ac mae 16 yn dal i fod ar goll.

Y cyfrif swyddogol gan asiantaeth y gwasanaethau brys yw 19 yn farw ac 13 ar goll.

Cwpan y Byd

Mae llawer o Gymry wedi teithio i Japan er mwyn dilyn y crysau cochion yng nghystadleuaeth Cwpan y Byd.

Bu’n rhaid i drefnwyr y gystadleuaeth ganslo dwy gêm yr oedd disgwyl iddyn nhw gael eu chwarae ddydd Sadwrn (Hydref 13), sef y rhai rhwng Lloegr a Ffrainc, a Seland Newydd a’r Eidal.

Fe aeth gêm Cymru v Wrwgwái yn ei blaen yn ddirwystr ddydd Sul.

Ar y dydd Sadwrn hefyd, fe alwodd Prif Weinidog Cymru, Mark Drakeford, ar y Cymry yn Japan i gadw’n ddiogel, gan eu cynghori i “osgoi unrhyw deithio di-angen”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones