19 o bobol wedi’u lladd yn y teiffŵn yn Japan

Diweddarwyd am  

Baner Siapan

Llun: CCO

Mae adroddiadau bod 19 o bobol wedi’u lladd yn dilyn y teiffŵn yn Japan, a bod 16 o bobol ar goll yn sgil y llifogydd yno.

Mae teiffŵn Hagibis bellach wedi taro’r brifddinas Tokyo a’r cyffiniau – y gwaethaf ers chwe degawd, yn ôl arbenigwyr.

Fe fu rhybuddion am law trwm hefyd yn Gunma, Saitama a Kanagawa, yn ogystal â Fukushima a Miyagi.

Mae daeargryn 5.3 ar raddfa Richter hefyd wedi taro’r wlad, a hwnnw yn ardal Chiba ger Tokyo.

Ar eu huchaf, mae’r gwyntoedd wedi cyrraedd cyflymdra o 90 milltir yr awr mewn rhai ardaloedd.

Mae cannoedd o filoedd o bobol wedi ffoi o’u cartrefi, a channoedd o filoedd yn rhagor wedi colli eu cyflenwadau trydan.

Effaith ar wasanaethau

Mae’r teiffŵn wedi cael effaith sylweddol ar wasanaethau yn y wlad, gyda theithiau awyr a threnau wedi cael eu canslo.

Mae rhybudd i bobol aros yn eu cartrefi oni bai bod rhaid mynd allan.

Mae siopau yn Tokyo hefyd ynghau, a gemau Cwpan Rygbi’r Byd wedi’u heffeithio.

Cafodd y gemau rhwng Lloegr a Ffrainc, a Seland Newydd a’r Eidal eu canslo ddoe (dydd Sadwrn, Hydref 12), ac mae’r gêm rhwng Namibia a Chanada wedi’i chanslo heddiw (dydd Sul, Hydref 13).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones