Rhagor o wrthdystio ffyrnig yn Hong Kong

Diweddarwyd  

Protestwyr yn wynebu’r heddlu yn Hong Kong. (AP Photo/Vincent Thian)

Mae miloedd o brotestwyr wedi ail-ymgynnull yn Hong Kong a hynny o fewn dyddiau i Ddiwrnod Cenedlaethol Tsieina.

Roedd nifer o’r protestwyr yn gwisgo du a chyda ymbyrelau a phosteri yn galw am ddemocratiaeth. Fe ganodd nhw ganeuon a siantio “Stand With Hong Kong” a “Fight For Freedom” wrth iddyn nhw anelu at swyddfeydd y llywodraeth.

Bu’n rhaid i nifer ffoi wrth i’r heddlu gwrth-derfysg saethu nifer fawr o nwy dagrau at y dorf.

Llosgi arwyddion

Ond fe ddychwelodd y protestwyr gyda rhai ohonyn nhw yn darnio, rhwygo a llosgi arwyddion yn llongyfarch Plaid Gomiwnyddol Tsieina fydd ddydd Mawrth yn dathlu ei 70fed blwyddyn mewn grym.

Mae protestiadau eraill wedi eu trefnu ledled y byd i gefnogi’r un yn Hong Kong gan gynnwys Sydney, Awstralia ble daeth rhagor na mil o bobol i gynnal rali.

Ddoe, ddydd Sadwrn, fe saethodd yr heddlu nwy dagrau a defnyddio canonau dŵr yn erbyn y protestwyr.

Mae rhai Tsieiniaid hefyd wedi cynnal gwrth-brotestiadau o blaid Tsieina. Mae protestwyr sy o blaid democratiaeth yn bwriadu cynnal gorymdaith ddydd Mawrth er gwaethaf gwaharddiad gan yr heddlu.

Mae’r protestwyr yn gofyn am etholiadau i gael eu cynnal i ddewis arweinwyr a hefyd atebolrwydd gyda’r heddlu.

Mae llawer o bobol yn wrthwynebus o’r bil estraddodi fyddai yn golygu anfon pobol dan amheuaeth o droseddu i Tsieina am dreial – yn groes i’r polisi o gael “un wlad, dwy system” pan ddychwelwyd Hong Kong i ofal Tsieina ym 1997.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones