Ceisio ateb rhyngwladol i amddiffyn yr Amazon

Diweddarwyd  

Y fflamau difaol ym masn yr Amazon yn Brasil

(AP Photo/Eraldo Peres)

Mae arweinwyr rhai o wledydd y G7 sy’n cyfarfod mewn uwchgynhadledd yn Biarritz yn Ffrainc wedi addo ceisio helpu ymladd y tanau dinstriol yn rhanbarth yr Amazon.

Dywed Arlywydd Ffrainc, Emmanuel Macron, fod yr arweinwyr yn nesáu at gytundeb ar sut i helpu Brasil “yn y ffordd fwyaf effeithiol bosibl”.

Dywed Canghellor yr Almaen, Angela Merkel y bydd ei gwlad ac eraill yn siarad gyda Brasil am ail-goedwigo yn yr Amazon ar ôl i’r tanau gael eu diffodd.

“Tiriogaeth Brasil yw hwn wrth gwrs, ond mae dyfodol y coedwigoedd glaw yn gwestiwn byd-eang mewn gwirionedd,” meddai. “Mae’n effeithio ar ysgyfaint y ddaear gyfan, felly rhaid inni gael hyd i atebion cyffredin.”

Mae prif weinidog Prydain, Boris Johnson, hefyd wedi addo £10 miliwn i helpu gwarchod coedwigoedd yr Amazon – swm sydd wedi cael ei gollfarnu gan y Blaid Lafur fel un druenus o annigonol.

Roedd arlywydd Brasil, Jair Bolsonaro, wedi cyhoeddi y byddai 44,000 o filwyr yn cael eu hanfon i ymladd y tanau, ond dim ond ychydig gannoedd sydd wedi cael eu gyrru hyd yma.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones