Sefyllfa llong achub ffoaduriaid yr Eidal “allan o reolaeth”

 

Ffoaduriaid

Llun: Mstyslav Chernov/Unframe CC SA 4.0 trwy Comin Wicimedia

Mae sefyllfa llong achub ffoaduriaid ger ynys Lampedusa yn yr Eidal “allan o reolaeth” wrth I 15 mwy o bobol neidio oddi arno mewn i’r môr.

Mae’r ffoaduriaid wedi bod ar y long, sydd a’r enw Open Arms, am 19 diwrnod wrth i’r Eidal barhau i wrthod agor ei phorthladd iddi.

Fe neidiodd un person oddi ar y llong yn gynnar heddiw (dydd Mawrth, Awst 20) cyn i 14 arall ddilyn gan anelu am ynys Lampedusa sydd wedi’i leoli ddim ymhell o’r llong, sydd yn dal wedi’i hangori.

Yn ôl gohebydd i ddarlledwr Sbaen, TVE, fe wrthododd y person cyntaf i ddychwelyd i’r llong gan annog eraill i’w ddilyn.

Dywed fod y ffoaduriaid yn “anobeithiol ac yn mynd yn wallgof” ar ôl 19 diwrnod yn sownd ar y llong. Mae’r bad achub o’r Eidal wedi achub pob un o’r 15 neidiwr ac wedi’u cludo i Lampedusa, gan adael 83 o ffoaduriaid arni.

Yn flaenorol fe rybuddiodd capten yr Open Arms awdurdodau’r Eidal na all y criw o 17 reoli’r sefyllfa ar y llong wrth i ffoaduriaid rhwystredig droi at ymladd.

Dywedodd llywodraeth Sbaen yn ddiweddarach ei bod yn anfon llong lyngesol i’r môr i hebrwng yr Open Arms i Sbaen.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer