Athrawon Hong Kong yn gorymdeithio i gefnogi protestwyr

 

Hong Kong

Llun: Exploringlife CC 4.0 trwy Comin Wicimedia

Mae athrawon yn Hong Kong yn gorymdeithio i gartref swyddogol arweinydd y ddinas wrth i’r protestio barhau yno.

Wrth gludo arwyddion yn galw am ‘Amddiffyn y genhedlaeth nesaf’, dywed yr athrawon fod arnyn nhw eisiau dangos eu cefnogaeth i’r protestwyr, sydd â llawer o fyfyrwyr yn eu plith.

Maen nhw’n galw ar y llywodraeth i ymateb i ofynion y protestwyr, a rhwystro trais yr heddlu yn eu herbyn.

“Rydym yma oherwydd trais parhaus gan y llywodraeth a’r heddlu,” meddai un o’r athrawon. “Teimlwn fod gennym yr hawl i amddiffyn ein myfyrwyr.”

10 wythnos o brotestio

Ar ôl 10 wythnos o brotestiadau, does dim arwydd fod yr anghydfod yn nes at gael ei ddatrys.

Yn ogystal â gorymdaith gan y protestwyr, mae gwrth-rali hefyd yn cael ei gynnal heddiw i gefnogi’r llywodraeth.

Fe fydd rali arall yfory gan grŵp sy’n ymgyrchu dros ddemocratiaeth ac sydd wedi trefnu tair gorymdaith anferth trwy ganol Hong Kong ers mis Mehefin.

Mae galwadau’r mudiad yn galw am ymddiswyddiad arweinydd y ddinas, Carrie Lam, etholiadau democrataidd ac ymchwiliad annibynnol i ddefnydd yr heddlu o rym.

Mae heddlu arfog parafilwrol China wedi bod yn cynnal ymarferion yr wythnos yma dros y ffin yn Shenzen, gan arwain at amheuon y gallan nhw gael eu hanfon i mewn i ormesu’r protestwyr.

Dywed heddlu Hong Kong fodd bynnag eu bod nhw’n gallu ymdrin â’r protestiadau eu hunan er mwyn cadw cyfraith a threfn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer