Myanmar a Bangladesh yn cydweithio i ddychwelyd Mwslemiaid Rohingya

Diweddarwyd am  
Dynion yn cario'u heiddo trwy donnau'r mor at gwch

Ffoaduriaid Rohingya

Llun: Mathias Eick ar Flickr CC ND 2.0

Mae Myanmar a Bangladesh wrthi am yr ail waith yn ceisio dychwelyd Mwslemiaid Rohingya adref, wedi i dros 700,000 ohonyn nhw ffoi rhag milwyr ddwy flynedd yn ôl.

Dywed Caroline Glick, llefarydd i Gomisiwn y Cenhedloedd Unedig i Ffoaduriaid, fod llywodraeth Bangladesh wedi gofyn am ei help i wirio’r 3,450 o bobol sydd wedi’u cofrestru fel ffoaduriaid, i ddychwelyd.

Ym mis Awst 2017, fe ymosododd byddin Myanmar ar ‘wrthryfelwyr’ Rohingya mewn ymateb i ymosodiad ganddyn nhw.

Arweiniodd hyn at ecsodus mawr o Fwslemiaid Rohingya dros y ffin i Bangladesh, a chyhuddiadau bod lluoedd diogelwch wedi treisio, lladd a llosgi miloedd o gartrefi.

Fe awgrymodd y Cenhedloedd Unedig y dylid erlyn prif reolwyr milwrol Myanmar am hil-laddiad, troseddau rhyfel a throseddau yn erbyn dynoliaeth.

Mae Myanmar wedi gwrthod yr honiadau a, hyd yn hyn, mae’r mwyafrif o ffoaduriaid yn meddwl ei bod hi’n rhy beryglus i ddychwelyd adref.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones