Awyrennau’n hedfan eto o faes awyr Hong Kong ar ôl protest

 

Hong Kong

Llun: Exploringlife CC SA 4.0 trwy Comin Wicimedia

Mae awyrennau wedi dechrau hedfan o faes awyr Hong Kong unwaith eto ar ôl deuddydd o brotestiadau.

Bu’n rhaid i’r maes awyr gau yn hwyr ddoe (dydd Mawrth, Awst 13) wrth i brotestwyr ymgasglu a blocio mynediad i wasanaethau mewnfudo teithwyr oedd yn gadael y wlad.

Bu’n rhaid i’r heddlu eu tawelu gan ddefnyddio pastynau a chwistrellu pupur, ar ôl iddyn nhw guro dau ddyn roedden nhw’n eu hamau o fod yn asiantiaid cudd o Tsieina.

Fe wnaeth yr heddlu ymyrryd ar ôl i staff y maes awyr fethu â chadw trefn, a chafodd y ddau ddyn eu cludo i ffwrdd o’r safle gan barafeddygon.

Yn ôl yr heddlu, fe wnaethon nhw arestio pump o bobol am ymgynnull yn anghyfreithlon, ymosod ar yr heddlu a bod ag arfau yn eu meddiant.

Mae’r protestwyr yn mynnu bod Carrie Lam, arweinydd y wlad, yn camu o’r neilltu ac yn diddymu deddfwriaeth a allai weld pobol yn cael eu hanfon i Tsieina, lle gallen nhw gael eu harteithio, yn ôl rhai.

Mae Carrie Lam yn gwrthod trafod y ddeddfwriaeth, gan feirniadu’r protestwyr am eu gweithredoedd.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer