Cyhuddo Donald Trump o hiliaeth

 
Donald Trump

Donald Trump

Llun drwy Gomin Wicimedia CC0

Mae Donald Trump, Arlywydd yr Unol Daleithiau, wedi cael ei gyhuddo o hiliaeth ar ôl disgrifio ardal lle mae trwch y boblogaeth yn bobol groenddu fel “llanast ffiaidd llawn llygod mawr”.

Daw ei sylwadau mewn negeseuon ar Twitter wrth ladd ar Elijah Cummings, sy’n cynrychioli un o ardaloedd talaith Baltimore sy’n “un o’r ardaloedd waethaf ei rheolaeth ac yn un o’r ardaloedd mwyaf peryglus yn yr Unol Daleithiau”.

Ac maen nhw’n dod bythefnos ar ôl iddo ladd ar bedair o fenywod sy’n gweithio yn y Gyngres.

Mae Elijah Cummings yn un o’r rhai sydd wrthi’n cynnal ymchwiliadau i waith llywodraethol yr Arlywydd.

Mae Donald Trump wedi ei alw’n “fwli ciaidd” ar ôl iddo feirniadu’r amodau mae mewnfudwyr yn cael eu cadw ynddyn nhw.

Ymateb Elijah Cummings

Wrth ymateb i sylwadau Donald Trump, mae Elijah Cummings yn dweud mai ei “ddyletswydd foesol” yw amddiffyn y bobol mae’n eu cynrychioli.

Daw ei amddiffyniad o’i gymuned ar ôl i Donald Trump ei feirniadu am y modd y bu’n ymchwilio i aelodau o’i deulu yn y Tŷ Gwyn.

Daeth ei bwyllgor i’r penderfyniad ddydd Iau i gosbi’r defnydd o gyfeiriadau e-bost gwaith a negeseuon testun at ddibenion personol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones