Heddlu Hong Kong yn saethu nwy dagrau at brotestwyr

Diweddarwyd am  

Protest yn Hong Kong.

Llun: WiciCommons / Iris Tong

Mae’r heddlu yn Hong Kong wedi saethu nwy dagrau at brotestwyr oedd wedi herio rhubuddion i beidio gorymdeithio ger gorsaf drenau ble ymosododd giang ar wrthdystwyr chwe diwrnod yn ôl.

Heddiw saethodd swyddogion mewn gêr terfysg ar wrthdystwyr yn Yuen Long a ddaliodd eu tir er gwaethaf apêl gan yr heddlu i ddod a’r orymdaith i ben.

Ond roedd y protestwyr eisiau dangos eu bod yn herio’r ymosodwyr a anafodd ddwsinau o bobol ddydd Sul diwethaf, gan gynnwys rhai oedd yn mynd adref ar ddiwedd y brotest o blaid democratiaeth.

Dywedodd yr heddlu fod rhai o’r ymosodwyr yn yr orsaf drenau gyda chysylltiadau a giangiau triad a bod eraill yn bentrefwyr oedd yn byw yn yr ardal.

Heddiw roedd strydoedd Yuen Long yn fôr o ymbarelau wrth i’r orymdaith ddechrau’r prynhawn yma.

Mae’r ymbarelau yn symbol o’r protestiadau yn Hong Kong yn 2014 pan fe’i defnyddiwyd gan brotestwyr i geisio cuddio’u wynebau oddi wrth gamerau’r heddlu a hefyd i’w gwarchod rhag nwy dagrau a chwistrell pupur.

“Mae heddlu Hong Kong police yn gwybod y gyfraith ac yn torri’r gyfraith”, oedd siant y protestwyr wrth iddyn nhw gerdded trwy’r strydoedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones