Donald Trump yn beirniadu llysgennad Prydain yn Washington

Diweddarwyd am  
Donald Trump

Donald Trump

Llun: Commons-wicipedia-CC0.jpg

Mae Donald Trump wedi beirniadu llysgennad gwledydd Prydain yn Washington ar ôl i wybodaeth gyfrinachol gael ei datgelu.

Yn ôl Arlywydd yr Unol Daleithiau, dyw Syr Kim Darroch “ddim wedi gwneud gwaith da o ran gwasanaethu’r Deyrnas Gyfunol”, cyn ychwanegu nad yw ei weinyddiaeth yn “ffrindiau mawr” â’r llysgennad.

Mae ymchwiliad swyddogol ar y gweill ar ôl i negeseuon rhwng Syr Kim Darroch a Llywodraeth Prydain gael eu rhyddhau i’r wasg.

Mae’r negeseuon, a ddaeth i law papur The Mail on Sunday, yn cynnwys manylion ynglŷn â gweinyddiaeth Donald Trump o 2017 tan y presennol.

Maen nhw’n awgrymu bod angen “gwneud eich pwyntiau yn syml ac yn uniongyrchol” wrth gyfathrebu â’r Arlywydd, gyda Syr Kim Darroch hefyd yn feirniadol o effeithlonrwydd y weinyddiaeth wrth weithredu polisïau.

Yn dilyn y sylwadau, mae’r Ysgrifennydd Masnach Ryngwladol, Liam Fox, wedi disgrifio’r digwyddiad fel un “amhroffesiynol ac anfoesol”.

Ar y llaw arall, mae’r Ysgrifennydd Tramor, Jeremy Hunt, wedi dweud mai “barn bersonol” Syr Kim Darroch sy’n cael eu mynegi yn y negeseuon, ac nid barn Llywodraeth Prydain.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer