Atal Donald Trump rhag defnyddio arian brys i godi wal

 
Donald Trump

Donald Trump

Llun drwy Gomin Wicimedia CC0

Mae barnwr ffederal wedi atal Donald Trump, Arlywydd yr Unol Daleithiau, rhag defnyddio arian brys i godi rhannau o’i wal ddadleuol ar y ffin â Mecsico.

Fe gyhoeddodd e argyfwng ym mis Chwefror er mwyn cael derbyn biliynau o ddoleri ar gyfer y prosiect, ac fe arweiniodd hynny at gau’r llywodraeth am gyfnod.

Roedd disgwyl iddo geisio defnyddio’r arian er mwyn trwsio hyd at 51 milltir o ffens mewn dau le.

Ond fe gafodd y cynllun ei wrthwynebu yn y llysoedd gan sawl mudiad ar y ffin rhwng y ddwy wlad.

Mae Donald Trump yn wynebu sawl achos llys ar hyn o bryd mewn perthynas â’r wal, sydd eisoes wedi derbyn 1.375 biliwn o ddoleri er mwyn cwblhau gwaith cynnal a chadw yn nhalaith Tecsas, lle mae nifer o fawr o fewnfudwyr yn cyrraedd yr Unol Daleithiau.

Ceisiodd Donald Trump symud arian o brosiectau milwrol, gwrth-gyffuriau a’r Trysorlys er mwyn ceisio osgoi gorfod cael sêl bendith y Gyngres.

Pe na bai’r llys wedi ei atal, roedd disgwyl i’r gwaith ar y ffin ddechrau heddiw (dydd Sadwrn, Mai 25).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019