Cinio i Donald Trump ym Mhalas Buckingham

Diweddarwyd am  
Yr Arlywydd Donald Trump gyda'i wraig Melania yn cwrdd a Theresa May a'i gwr Philip May ym Mhalas Blenheim yn ystod ei ymweliad a'r Deyrnas Unedig

Yr Arlywydd Donald Trump gyda’i wraig Melania yn cwrdd a Theresa May a’i gwr Philip May ym Mhalas Blenheim yn ystod ei ymweliad a’r Deyrnas Unedig y llynedd

Llun: Stefan Rousseau / PA Wire

Fe fydd Brenhines Loegr yn croesawu Donald Trump, srlywydd yr Unol Daleithiau, i Balas Buckingham fel rhan o’i ymweliad swyddogol â gwledydd Prydain y mis nesaf.

Mae rhai gwrthwynebwyr yn dadlau na ddylai Donald Trump fod wedi cael croeso swyddogol yn ystod ei ymweliad.

Y digwyddiadau

Ond fe fydd ef a’i wraig, Melania, yn cael cinio yn y palas ar ddydd Llun, Mehefin 3.

Bydd hefyd yn cael te gyda Thywysog Charles a Duges Cernyw yn Clarence House, ac yn cynnal trafodaethau â Theresa May, prif weinidog Prydain yn Downing Street cyn mynd i Balas Buckingham ar gyfer gwledd.

Bydd y Frenhines, Charles a Camilla yn ei groesawu’n ffurfiol ar ddiwrnod cyntaf ei ymweliad.

Bydd yr Arlywydd yn derbyn saliwt yn Green Park ac yn Nhŵr Llundain cyn ymweld ag oriel luniau ym Mhalas Buckingham.

Bydd ef a’i wraig hefyd yn ymweld ag Abaty Westminster, lle bydd yn gosod torch o flodau ar fedd y milwr di-enw.

Bydd yn cyd-gynnal brecwast ym Mhalas St James ar Fehefin 4, cyn teithio i Stryd Downing am drafodaethau, lle bydd cynhadledd i’r wasg yn dilyn.

Bydd cinio yn y nos yn llysgenhadaeth yr Unol Daleithiau yn Nhŷ Winfield.

Y diwrnod canlynol, bydd digwyddiad 75 mlynedd ers glaniadau D-Day yn Portsmouth, lle bydd y Frenhines yn ffarwelio â Donald a Melania Trump yn swyddogol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019