Ymosodiad Christchurch: dyn arall wedi marw

 

Mae nifer y meirw yn yr ymosodiadau ar ddau fosg yn Christchurch wedi codi i 51 ar ôl i ddyn o Dwrci farw yn yr ysbyty, saith wythnos ers y digwyddiad.

Roedd Zekeriya Tuyan, 46 oed, wedi bod mewn cyflwr difrifol ers i ddyn arfog danio gwn at bobl ym mosg Al Noor ar 15 Mawrth.

Cafodd ei farwolaeth ei gadarnhau gan yr awdurdodau yn Nhwrci a Seland Newydd.

Dywedodd prif weinidog Seland Newydd Jacinda Ardern y byddai’r newyddion trist yn cael ei deimlo ar draws y ddwy wlad.

Mae’r berthynas rhwng Twrci a Seland Newydd wedi bod dan straen ers yr ymosodiad ar ôl i Arlywydd Twrci Tayyip Erdogan ddangos llif byw o fideo o’r ymosodiad mewn ymgyrchoedd etholiadol er mwyn tynnu sylw at gasineb yn erbyn Islam.

Ond mae’r awdurdodau yn Seland Newydd wedi gwahardd y fideo a gallai unrhyw un sy’n cael eu dal yn rhannu’r fideo yn Seland Newydd wynebu 14 mlynedd yn y carchar.

Mae Brenton Tarrant, 28 oed, o Awstralia wedi cael ei gyhuddo o 50 achos o lofruddiaeth a 39 achos o geisio llofruddio. Fe allai’r cyhuddiadau gael eu newid i adlewyrchu’r cynnydd yn nifer y meirw. Mae disgwyl iddo fynd gerbron llys ar Fehefin 14.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer