Ymgyrchwyr annibyniaeth Catalwnia’n meddiannu swyddfeydd Ewrop

 
Baner Catalwnia

Baner Catalwnia

Llun: Commons Wikimedia CC0

Fe wnaeth ymgyrchwyr o blaid annibyniaeth i Gatalwnia feddiannu swyddfeydd Comisiwn a Senedd Ewrop yn Barcelona ddydd Gwener (Chwefror 1).

Roedden nhw’n protestio yn erbyn achosion llys saith o ymgyrchwyr, ac yn galw o’r newydd am annibyniaeth oddi wrth Sbaen.

Aethon nhw i mewn a chloi eu hunain yn y swyddfeydd, tra bod dwsinau’n rhagor wedi atal pobol rhag cael mynediad i’r adeiladau.

Manteision nhw ar y cyfle i ddenu cefnogaeth gan brotestwyr oedd eisoes yn y ddinas ar gyfer protest arall yn erbyn awdurdodau Sbaen.

Fe fu rhai cannoedd o bobol yn atal cerbydau rhag teithio ar hyd ffyrdd Barcelona.

Cefndir

Mae awdurdodau Sbaen wedi trosglwyddo naw o wleidyddion ac ymgyrchwyr o Gatalwnia i’r brifddinas, Madrid, heddiw (Dydd Gwener, Chwefror 1).

Maen nhw’n wynebu achos llys am hyrwyddo’r achos tros annibyniaeth i Gatalwnia.

At ei gilydd maen nhw’n wynebu hyd at 25 mlynedd yn y carchar am bwyso am refferendwm anghyfreithlon i fod yn annibynnol o Sbaen.

Does dim dyddiad i’r gwrandawiad eto, ond fe orchmynnodd y barnwr Manuel Marchena iddyn nhw gael eu symud yn agosach i’r Oruchaf Lys yn Madrid erbyn Chwefror 2.

Yn gynnar heddiw roedd heddlu rhanbarthol Catalwnia wedi hebrwng y saith dyn a dwy ddynes o dri charchar gwahanol i garchar Briands 2.

Mae tri arall wedi’u rhyddhau ar fechnïaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer