Tsieina yn cyfyngu ar nifer y dringwyr sy’n mentro i gopa Everest

Diweddarwyd am  

Mynydd Everest

Llun: Comin Wicimedia

Mae disgwyl i Tsieina gyfyngu ar nifer y dringwyr sy’n mentro i gopa mynydd Everest o’r gogledd eleni, wrth iddyn nhw ymgymryd â chynlluniau i glirio rhan o fynydd uchaf y byd.

Bydd cyfanswm y dringwyr sy’n mentro i’r copa bellach yn cael ei dorri i lai na 300, yn ôl adroddiadau ar y cyfryngau yn Tsieina, gyda’r tymor ar gyfer dringo yn cael ei gyfyngu i’r gwanwyn.

Bydd y gwaith clirio yn cynnwys symud cyrff y dringwyr  a fu farw yn uwch na 8,000 metr (26,246 troedfedd).

Tua 60,000 bob blwyddyn

Mae rhan ogleddol Everest yn nhiriogaeth Tsieina, ac mae tua 60,000 o ddringwyr a thywyswyr yn mentro dringo’r rhan honno bob blwyddyn.

Mae Tsieina eisoes wedi sefydlu gorsafoedd i ddosbarthu ac ailgylchu sbwriel o’r mynydd, sy’n cynnwys caniau, bagiau plastig, offer coginio, pebyll a thanciau aer.

Ar ochr Nepal o’r mynydd, mae mynyddwyr eisoes wedi cychwyn anfon bagiau sbwriel anferth gyda dringwyr yn ystod tymor dringo’r gwanwyn er mwyn casglu unrhyw wastraff sydd ganddyn nhw. Mae’r bagiau hynny wedyn yn cael eu casglu gan hofrenyddion.

Yn 2017, llwyddodd 648 o bobol i gyrraedd copa Everest, gan gynnwys 202 o’r ochr ogleddol, yn ôl ffigyrau swyddogol.

Bu farw chwech o bobol yn ystod y flwyddyn honno hefyd, gan gynnwys dau o gyfeiriad y gogledd.

Mae Tsieina yn cyfeirio at y mynydd yn ôl ei enw Tibetaidd, Mynydd Qomolangma.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones