‘Rhedwr’ wedi defnyddio car wrth rasio ar draws Seland Newydd

Diweddarwyd am  

Mae rhedwr yn Seland Newydd, a honnodd ei fod wedi rhedeg ar draws y wlad mewn deunaw diwrnod ac wyth awr, wedi cyfaddef iddo dderbyn lifft mewn car yn ystod rhannau o’r siwrnai.

Roedd Perry Newburn, 64, yn cael ei ystyried y rhedwr cyflymaf i redeg ar draws dwy ynys y wlad, a oedd yn daith o 1,800 o filltiroedd.

Ond ers cwblhau’r daith, a ddaeth i ben mewn tref o’r enw Bluff, mae’r rhedwr wedi cyfaddef nad oedd yn bosib iddo wneud y cyfan ar droed.

“Roedd yna rannau o’r ras lle roedd cyflwr yr heol neu bontydd yn rhy anniogel i’w rhedeg ac felly roedd yn rhaid i mi gael fy ngyrru trwy’r rhannau hyn,” meddai. “Fy mhenderfyniadau i oedd y rhain.”

Mae hefyd wedi dweud bod tywydd stormus a diffyg cwsg wedi effeithio arno yn ystod y daith.

Pwrpas yr her oedd codi arian ar gyfer elusen awtistiaeth, meddai Perry Newburn.

Hyd yn hyn, mae mwy na 7,000 o ddoleri (£3,800) wedi cael ei gyfrannu gan bron 200 o bobol.

Chwaraeon Eraill

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed