‘Ymgais olaf’ i achub llywodraeth glymblaid Israel

 
baner Israel

baner Israel

Llun: Wicipedia

Mae Prif Weinidog Israel, Benjamin Netanyahu yn cynnal trafodaethau brys i geisio achub llywodraeth glymblaid y wlad.

Dywed mai dyma ei “ymgais olaf”, yn dilyn anghydfod sydd wedi arwain at ymddiswyddiad Gweinidog Amddiffyn y wlad, Avigdor Lieberman tros gytundeb cadoediad â gwrthryfelwyr o Gaza.

Mae Benjamin Netanyahu wedi wfftio’r posibilrwydd o gynnal etholiad cyffredinol pan fo’r wlad mewn cyflwr mor fregus.

Yn hytrach, mae’n gobeithio dwyn perswâd ar y Gweinidog Cyllid Moshe Kahlon a phlaid Kulanu i aros yn rhan o’r llywodraeth glymblaid.

‘Di-angen ac anghywir’ cynnal etholiad

“Y peth di-angen ac anghywir fyddai cynnal etholiad,” meddai Benjamin Netanyahu, gan ofidio am ddyfodiad Plaid Lafur y wlad i rym.

“Cofiwn yn iawn beth ddigwyddodd pan wnaeth elfennau o fewn y clymbleidiau dynnu llywodraethau Likud i lawr yn 1992 ac yn 1999.

“Mae angen i ni wneud popeth allwn ni er mwyn osgoi ailadrodd y camgymeriadau hyn.”

Cefndir

Cyn ymddiswyddo’r wythnos ddiwethaf, roedd Avigdor Lieberman yn galw am ymateb llawer cryfach i’r ymosodiadau roced gwaethaf ar Israel ers 2014.

Mae’n dadlau y bydd cadoediad yn peryglu de Israel yn wyneb Hamas.

Yn dilyn ei ymddiswyddiad, mae gan y llywodraeth glymblaid fwyafrif o un sedd yn unig yn y senedd ac mae rhybudd y gallai’r sefyllfa honno ei gwneud yn haws i lwgrwobrwyo unigolion er mwyn denu eu cefnogaeth.

Does dim disgwyl etholiad cyffredinol yn y wlad tan ddiwedd y flwyddyn nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer