Tanau gwyllt Califfornia: mwy na 630 o bobol yn dal ar goll

Diweddarwyd am  

Llun: CC0

Mae 631 o bobol yn parhau ar goll o ganlyniad i’r gyfres o danau gwyllt yn Califfornia.

Mae’r ffigwr diweddaraf wedi cynyddu 130 mewn diwrnod, yn dilyn cynhadledd i’r wasg gan un o brif swyddogion yr awdurdodau yn ardal Butte.

Dywedodd y Siryf Kory Honea fod y nifer wedi cynyddu oherwydd bod yr awdurdodau wedi gwirio galwadau argyfwng ac adroddiadau o’r wythnos ddiwethaf, gan weld bod mwy o bobol ar goll.

Ond fe all y ffigwr hwn gynnwys pobol sydd wedi ffoi o’r tanau ac sydd ddim yn sylwi eu bod nhw wedi’u hadrodd ar goll, meddai wedyn.

Mae’r awdurdodau hefyd wedi cadarnhau bod cyfanswm o 63 o bobol wedi marw yn yr hyn sy’n cael ei ystyried y gyfres o danau gwyllt gwaethaf yn hanes y dalaith.

Er bod y tanau yn parhau i losgi, mae’r gwasanaethau brys yn ne a gogledd Califfornia yn adrodd eu bod nhw’n dechrau ennill tir yn erbyn y fflamau.

Mae cannoedd o weithwyr achub, ynghyd ag aelodau o’r fyddin, yn chwilio am bobol sydd ar goll mewn ardaloedd sydd wedi cael eu difrodi gan dân.

Yn y cyfamser, mae disgwyl i’r Arlywydd Donald Trump ymweld â’r dalaith dros y penwythnos er mwyn cyfarfod â phobol sydd wedi dioddef o ganlyniad i’r argyfwng.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed