Carcharu dyn yn yr Almaen am roi gwenwyn mewn bwyd babi

 
Baner yr Almaen

Baner yr Almaen

Llun: Wicipedia

Mae dyn 54 oed wedi cael ei ddedfrydu i garchar yn yr Almaen ar ôl iddo roi gwenwyn mewn bwyd babi a’i osod ar silffoedd archfarchnadoedd.

Yn ôl y gwasanaeth newyddion, DPA, roedd y gŵr wedi cyflawni’r weithred mewn ymgais i gael arian gan yr archfarchnadoedd.

Mae’n debyg ei fod wedi anfon e-byst bygythiol at siopau yn yr Almaen y llynedd yn bygwth gwenwyno bwydydd pe na baen nhw’n talu 10m euro (£8.8m) iddo.

Roedd wedyn wedi cysylltu â’r awdurdodau yn dweud ei fod wedi ymyrryd â phum jar o fwyd babi mewn siopau yn Friedrichshafen.

Cadarnhaodd swyddogion fod y jariau yn cynnwys ethylene glycol, ond maen nhw’n mynnu na chafodd yr un ohonyn nhw eu gwerthu i gwsmeriaid.

Mae’r troseddwr wedi’i ddedfrydu i ddeuddeng mlynedd dan glo.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer