Mae ffrwydriad wedi lladd deg o bobol mewn coleg yn y Crimea, yn ôl asiantaeth gwrth-frawychiaeth Rwsia.
Fe gafodd y ddyfais ei thanio mewn coleg galwedigaethol yn ninas Kerch yn nwyrain Crimea.
Mae tua 50 o bobol wedi’u hanafu yn y digwyddiad, er nad oes manylion pellach ynglyn â’u hanafiadau na’u cyflwr.
Ynghynt heddiw, roedd swyddogion y gwasanaethau argyfwng yn dweud mai cynhwysydd nwy oedd wedi ffrwydro.
Ers 2014, mae Rwsia wedi hawlio’r Crimea oddi ar yr Wcrain.