“Y fi yw’r person sy’n cael ei bwlio fwyaf yn y byd” – Melania Trump

Diweddarwyd am  
Yr Arlywydd Donald Trump gyda'i wraig Melania yn cwrdd a Theresa May a'i gwr Philip May ym Mhalas Blenheim yn ystod ei ymweliad a'r Deyrnas Unedig

Yr Arlywydd Donald Trump gyda’i wraig Melania yn cwrdd a Theresa May a’i gwr Philip May ym Mhalas Blenheim yn ystod ei ymweliad a’r Deyrnas Unedig

Llun: Stefan Rousseau/PA Wire

Mae gwraig arlywydd yr Unol Daleithiau yn dweud ei bod yn teimlo mai hi yw’r person sy’n cael ei bwlio fwyaf yn y byd i gyd.

Dywed Melania Trump hefyd fod nifer o bobol o fewn i’r Tŷ Gwyn nad yw hi na’i gŵr yn ymddiried ynddyn nhw, ond ychwanega bod rhai o’r rheiny “ddim yn gweithio yno mwyach”.

Roedd Melania Trump yn cael ei chyfweld yn ystod ei thaith i Affrica, lle mae’n hyrwyddo’r ymgyrch, ‘Be Best’, sy’n ceisio mynd i’r afael â bwlio ar-lein.

Mae wedi cael ei sbarduno i gychwyn yr ymgyrch, meddai, yn rhannol oherwydd yr hyn y mae pobol yn ei ddweud amdani ar-lein.

“Mae angen i ni addysgu ein plant am ymddygiad emosiynol cymdeithasol, felly pan maen nhw’n dod yn oedolion fe fyddan nhw’n gwybod sut i ddelio â’r mater,” meddai.

Daw ei sylwadau wedi i’w gŵr Donald Trump gael ei holi mewn cyfweliad heddiw (dydd Iau, Hydref 11) ynglŷn â pham y mae pobol y mae ef a’i wraig ddim yn ymddiried ynddyn nhw yn dal o’u cwmpas.

“A oes yna rai pobol dw i ddim yn eu hoffi? Oes,” meddai’r Arlywydd. “Ond rydym ni am gael gwared arnyn nhw’n araf.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed