“Wnaeth yna 3,000 ddim marw yn Puerto Rico” – Donald Trump

 

Mae Arlywydd yr Unol Daleithiau wedi wfftio ystadegau sy’n nodi bod bron 3,000 o bobol wedi marw yn Puerto Rico ar ôl i Gorwynt Maria daro’r ynys y llynedd.

Mae Donald Trump yn honni bod yr ystadegau yn ymgais gan y Democratiaid i daflu baw ar ei enw.

Yn ôl ystadegau, bu farw 2,975 o bobol yn y chwe mis ar ôl i’r corwynt daro Puerto Rico ym mis Medi 2017, ac mae llywodraethwr yr ynys bellach wedi derbyn y ffigwr hwnnw.

“Pan wnes i adael yr ynys, AR ÔL i’r storm daro, roedd rhwng 6 a 18 wedi marw,” meddai Donald Trump ar y wefan gymdeithasol, Twitter.

“Wrth i amser fynd yn ei flaen, wnaeth [y ffigwr] ddim cynyddu llawer. Yna, ar ôl cyfnod hir wedyn, fe ddechreuon nhw adrodd ffigyrau llawer uwch, fel 3,000…”

Mae maer San Juan yn Puerto Rico, Carmen Yulin Cruz, wedi cyhuddo Donald Trump o fod yn “wallgo”, gan ychwanegu ei fod yn “haerllug os yw’n meddwl bod hyn amdano.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed