Myfyrwyr yn gwneud safiad dros yr iaith Lydaweg

Diweddarwyd  
Llydaw

Llydaw

Llun: Wicipedia

Mae myfyrwyr o Lydaw yn wynebu’r perygl o fethu eu harholiadau BAC ar ôl iddyn nhw benderfynu ateb y cwestiynau yn yr iaith Lydaweg.

Roedd y myfyrwyr ysgol uwchradd Diwan de Carhaix yn Finistère yn sefyll arholiad mathemateg pan benderfynon nhw na fydden nhw’n ateb y cwestiynau yn Ffrangeg, yn ôl y papur newydd Ouest-France.

Maen nhw’n cael eu haddysgu yn yr iaith Lydaweg.

Yn ôl un o’r myfyrwyr, Ismael Morvan, maen nhw wedi cael eu gwahardd rhag defnyddio’u hiaith eu hunain heb unrhyw ymgais i egluro pam.

Bellach, mae oddeutu 15 o’i gyfoedion wedi dilyn ei esiampl drwy wrthod ufuddhau i’r gwaharddiad.

Dywedodd: “Rydym yn wynebu’r risg o gael ‘dim’, y risg o beidio â chael ein bagloriaeth.

“Ond rydym yn cymryd y risg yn enw’r achos. Y peth pwysig oedd fod ein rhieni’n gwybod gan mai nhw sy’n talu am ein hastudiaethau.”

‘Nid gweithred wrthryfelgar mohoni’

Ond o wneud eu safiad, mae’r myfyrwyr yn mynnu nad gwrthryfela oedd eu bwriad.

Ychwanegodd Ismael Morvan: “Nid gweithred wrthryfelgar mohoni ond yn hytrach, gweithgarwch meddylgar.”

Dywed y myfyrwyr eu bod nhw wedi cael eu hysbrydoli gan fyfyrwyr yng Ngwlad y Basg, sydd yn cael ateb yn yr iaith Fasgeg wrth sefyll arholiadau hanes a daearyddiaeth ers y 1990au, ac mewn arholiadau mathemateg ers 2012.

Maen nhw bellach yn galw am yr hawl i sefyll pob arholiad yn eu mamiaith.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?