Mae dros gant o bobol wedi’u lladd mewn damwain awyren yn Algeria.
Mae asiantaeth newyddion yn y wlad yn adrodd am awyren filwrol yn plymio i’r ddaear ger safle milwrol Boufarik.
Yn ôl y gwasanaeth Algerie Presse, roedd yr awyren o fath Iliouchine yn anelu am Bechar yn ne-orllewin Algeria.
Mae’r gwasanaethau brys ar y safle ar hyn o bryd.
Mae Boufarik yng ngogledd Algeria, ger y Môr Canoldir, 20 milltir o’r brifddinas, Algiers.
