Yr efengylwr, Billy Graham wedi marw

 

Billy Graham yn pregethu

Llun: Florida Memory ar Flickr

Mae’r efengylwr adnabyddus Billy Graham wedi marw’n 99 oed. Roedd wedi bod yn dioddef o ganser, niwmonia a sawl salwch arall.

Roedd yn enwog yn yr Unol Daleithiau am ei bregethu carismataidd a’i ymgyrchu.

Roedd wedi cynghori sawl Arlywydd ar hyd y blynyddoedd, gan deithio i wledydd Prydain nifer o weithiau. Yn 1954, fe bregethodd i fwy na dwy filiwn o bobol dros gyfnod o dri mis yn Llundain.

Mae’r Arlywydd presennol, Donald Trump wedi dweud “nad oedd neb tebyg iddo” a’i fod yn “ddyn arbennig iawn”.

Yn wahanol i nifer o efengylwyr traddodiadol, fe ddefnyddiodd ei ymddangosiadau niferus ar deledu a radio i gyrraedd cynulleidfaoedd newydd, gan osod y ffydd Efengylaidd ymhlith credoau mwya’ poblogaidd y wlad.

Mae lle i gredu ei fod e wedi pregethu ac wedi lledaenu ei negeseuon mewn mwy na 185 o wledydd a thiriogaethau. Ond roedd yn cael ei ystyried yn rhy gymhedrol wrth drafod hawliau sifil.

Serch hynny, roedd yn gyfrifol am ddod â gwahanu pobol groenddu a phobol â chroen gwyn i ben, ac fe wrthododd fynd i Dde Affrica yn ystod aparteid.

Yn 1983, fe dderbyniodd anrhydedd sifil fwyaf yr Unol Daleithiau, sef Medal Ryddid yr Arlywydd, gan Ronald Reagan. Cafodd amgueddfa ei henwi ar ei ôl yn 2007, ac roedd nifer o gyn-arlywyddion yn y seremoni.

Mae lle i gredu ei fod e wedi pregethu wyneb-yn-wyneb i fwy na 210 miliwn o bobol ar draws y byd.

Bu farw ei wraig, Ruth, yn 2007. Mae’n gadael pump o blant.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019