Gogledd a De Corea i gydweithio yn y Gemau Olympaidd

 

Un o fedalau Gemau Olympaidd y Gaeaf Pyongchang 2018

Llun: Korea.net CC 2.0 trwy Commons Wikimedia

Mae Gogledd Corea wedi cytuno i anfon cystadleuwyr, swyddogion a newyddiadurwyr i Gemau Olympaidd y Gaeaf yn Ne Corea fis nesaf.

Mae swyddogion y ddwy wlad wedi cyfarfod i drafod sut i gydweithio ar y gemau a fydd yn cael eu cynnal yn Pyongchang ar Chwefror 9-25.

Ond yn fwy arwyddocaol, fe ddaw’r trafodaethau wedi blwyddyn llawn tensiwn, wrth i’r Gogledd fygwth America a gweddill y byd gyda’i chynlluniau i ddatblygu arfau niwclear.

Mae De Corea wedi awgrymu hefyd y gallai cynrychiolwyr y Gogledd orymdeithio ar y cyd â nhw yn ystod seremonïau agor a chau y gemau.

Bydd y trafodaethau yn parhau yn hwyrach ddydd Mawrth yn Panmunjom, yr unig le ar y ffin lle y mae milwyr Gogledd a De Corea droedfeddi yn unig oddi wrth ei gilydd.

Mae De Corea yn awyddus i sicrhau cyfleoedd i deuluoedd sydd wedi eu rhannu gan y ddwy wlad i gwrdd. Mae Gogledd Corea yn debygol o ofyn i Dde Corea roi’r gorau i ddarllediadau propaganda a chydweithio milwrol gyda’r Unol Daleithiau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?