“Dw i’n athrylith sefydlog iawn,” meddai Donald Trump

Diweddarwyd  
Arlywydd yr Unol Daletihiau yn areithio ac yn pwyntio'i fys

Donald Trump

Llun: CC 2.0 trwy Commons Wikimedia

Mae Arlywydd yr Unol Daleithiau, Donald Trump wedi dweud ei fod yn “athrylith sefydlog iawn”, wrth ymateb i feirniadaeth a sylwadau am ei gyflwr meddyliol.

Mae’n gwadu nad yw’n “ffit” i fod yn Arlywydd, yn dilyn sylwadau gan awdur oedd yn dweud nad oedd e wedi bwriadu mentro i’r byd gwleidyddol yn y lle cyntaf, a bod ei staff yn credu nad oedd yn gymwys i fod yn ei swydd.

Mae’r llyfr Fire and Fury: Inside the Trump White House gan Michael Wolff wedi achosi ffrae fawr rhwng yr Arlywydd a’i gyn-strategydd Steve Bannon, oedd wedi cael ei ddyfynnu yn y gyfrol.

Ar wefan gymdeithasol Twitter, mae Donald Trump wedi cyhuddo’i feirniaid o wneud môr a mynydd o’i “sefydlogrwydd meddyliol a’i allu”.

“Mewn gwirionedd, yn ystod fy mywyd, fy nau brif ased oedd sefydlogrwydd meddyliol a bod yn, fatha, smart iawn,” meddai.

Ychwanegodd ei fod e wedi mynd o fod yn “ddyn busnes smart iawn i fod yn brif seren deledu ac i Arlywydd yr Unol Daleithiau (ar fy nghynnig cyntaf)”.

Dywedodd fod hynny’n ei wneud yn “athrylith… ac yn athrylith smart iawn hefyd!”

Gwadu ansefydlogrwydd

Mae llefarydd ar ran Donald Trump wedi gwadu ei fod yn arweinydd ansefydlog.

Ar deledu yn yr Unol Daleithiau, dywedodd Sarah Huckabee nad oedd Michael Wolff wedi cyfweld â Donald Trump ar gyfer y gyfrol, a’i fod yn “foi oedd wedi creu lot fawr o straeon er mwyn gwerthu llyfrau”.

Ond mae Michael Wolff yn mynnu ei fod e wedi siarad â Donald Trump, ac nad oedd y sgwrs “oddi ar y record”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed