Donald Trump: gwleidydd o Gymru yn galw am ganslo ymweliad

Diweddarwyd am  
Donald Trump

Donald Trump

Llun drwy Gomin Wicimedia CC0

Mae Aelod Seneddol o Gymru wedi galw am ganslo ymweliad Donald Trump â’r Deyrnas Unedig ar ôl iddo rannu fideos ymfflamychol y grŵp hiliol, Britain First ar Twitter <https://golwg360.cymru/newyddion/rhyngwladol/506853-twitter-neges-hallt-donald-trump-thersa>.

Ar lawr Tŷ’r Cyffredin, fe wnaeth Stephen Doughty, AS Llafur sy’n cynrychioli De Caerdydd a Phenarth, holi cwestiwn brys i’r Ysgrifennydd Cartref, Amber Rudd, ar y mater.

Rhannodd Donald Trump dri fideo o gyfrif dirprwy arweinydd Britain First, Jayda Fransen, a fydd yn ymddangos gerbron llys ymhen wythnosau, wedi’i chyhuddo o aflonyddu crefyddol difrifol.

“Hiliol, di-glem a difeddwl”

“Dyma Arlywydd yr Unol Daleithiau yn rhannu cynnwys ymfflamychol a rhanedig i filiynau, sy’n codi casineb, fel mae’r Ysgrifennydd Cartref yn ei ddweud, gan droseddwr sy’n wynebu cyhuddiadau pellach,” meddai Stephen Doughty.

“Wrth ei rannu, mae e naill ai yn hiliol, yn ddi-glem neu’n ddifeddwl – neu mae e’n tri o’r pethau hynny…

“Mae’r digwyddiadau rhyfeddol rydym wedi’u gweld yn sicr yn amlinellu pam bod Aelodau ledled y Tŷ hwn yn iawn i wneud y galwad am yr Arlywydd i beidio dod yma a pham na ddylai cynnig annhymig y Prif Weinidog ddigwydd.”

Wrth ymateb i drydar Donald Trump, dywedodd Alun Cairns, Ysgrifennydd Gwladol Cymru wrth golwg360 fod angen bod yn “critical friend” i’r Unol Daleithiau.

Rhyngwladol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed