Mae Goruwch Lys Apêl De Affrica wedi dyblu dedfryd Oscar Pistorius am lofruddio ei gariad.
Bydd y pencampwr paralympaidd 31 oed yn treulio 13 o flynyddoedd a phum mis dan glo.
Roedd yr erlynwyr wedi apelio yn erbyn y ddedfryd wreiddiol o chwe blynedd am saethu Reeva Steenkamp sawl gwaith yn eu cartref yn 2013.
15 mlynedd yw’r ddedfryd am lofruddio, ond fe gafodd dedfryd Pistorius 13 o flynyddoedd a phum mis oherwydd ei fod eisoes wedi treulio cyfnod yn gaeth.
