Iran: 330 o bobol wedi’u lladd mewn daeargryn grymus

Diweddarwyd  
Map o ddaeargryn ar y ffin rhwng Iran ac Irac

Map o’r daeargryn ar y ffin rhwng Iran ac Irac

Llun: US Geological Survey

Mae mwy na 330 o bobol wedi cael eu lladd a tua 3,950 wedi’u hanafu yn dilyn daeargryn grymus ar y ffin rhwng Iran ac Irac, yn ôl adroddiadau o Iran.

Nid yw’r llywodraeth yn Baghdad wedi cadarnhau faint o bobol sydd wedi’u hanafu ond mae’r Prif Weinidog, Haider al-Abadi, wedi rhoi cyfarwyddyd i’r gwasanaethau brys i ymateb i’r trychineb.

Roedd y daeargryn yn mesur 7.3 ac wedi’i ganoli tua 19 milltir o ddinas ddwyreiniol Irac, Halabja.

Cafodd y daeargryn ei deimlo mor bell ag arfordir Mor y Canoldir ond mae’n ymddangos bod y difrod mwya’ wedi bod yn nhalaith Kermanshah yn Iran ym Mynyddoedd Zagros sy’n rhannu Iran ac Irac. Mae trigolion yr ardal yn dibynnu’n helaeth ar amaeth i wneud bywoliaeth.

Mae asiantaeth newyddion ILNA yn dweud bod o leiaf 14 o daleithiau yn Iran wedi’u heffeithio gan y daeargryn.

Mae adroddiadau hefyd bod o leiaf saith o bobl wedi marw yn Irac a mwy na 535 wedi’u hanafu yn nhalaith Sulaymaniyah a tua 150 yn nhref Khanaquin.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd