Siopwyr de India yn gwrthod gwerthu diodydd ysgafn Coke a Pepsi

 


Mae masnachwyr sy’n flin gyda grwp hawliau anifeiliaid o’r Unol Daleithiau, wedi tynnu diodydd Coca Cola a Pepsi oddi ar eu silffoedd yn nhalaith Tamil Nadu yn ne India.

Mae cymdeithas fasnachwyr y dalaith yn dweud fod y cwmnïau diodydd meddal yn tynnu gormod o ddwr o’r ardal, ond eu bod yn cael eu targedu hefyd oherwydd bod grwp hawliau anifeiliaid PETA o’r Unol Daleithiau wedi bod yn pwyso am wahardd yr arfer lleol o ddofi teirw, jallikattu.

Fe gafodd y diodydd eu tynnu oddi ar y silffoedd mewn mwy na miliwn a hanner o siopau lleol brynhawn Mercher, Mawrth 1.

Ym is Ionawr eleni, fe gafodd Tamil Nadu ei hysgwyd gan ddegau o filoedd o bobol yn protestio ac yn mynnu y dylai’r gwaharddiad ar jallikattu gael ei ddileu. Yn ystod y protestiadau hynny, fe drodd miloedd o bobol ifanc yn erbyn mudiad PETA.

Mae siopwyr yn dweud y byddan nhw’n rhoi’r gorau i werthu diodydd cola, ac yn hytrach yn hybu diodydd meddal sy’n cael eu cynhyrchu yn Tamil Nadu, neu boteli a chaniau o ddwr cnau coco.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones