Ffarwel, Leonard

Diweddarwyd am  


Ei wefan swyddogol heddiw
Mae Prif Weinidog Canada a llwyth o enwogion y byd adloniant wedi talu teyrngedau i’r cyfansoddwr a chanwr, Leonard Cohen.

Fe fu farw’r Iddew o Montreal yn 82 oed, ychydig wythnosau ar ôl cyhoeddi ei CD ddiweddara’.

Mae’n cael ei ystyried yn un o gerddorion mwya’ dylanwadol yr hanner canrif ddiwetha’, yn cael ei osod ochr yn ochr â Bob Dylan, oherwydd angerdd ei eiriau.

Yn ôl Prif Weinidog Canada, Justin Trudeau, roedd y canwr yn “chwedl” ac yn “Fontrealwr eithriadol”.

“Bydd yn cael ei gofio am ei lais garw, ei hiwmor gwylaidd a’r geiriau cyfareddol a wnaeth ei ganeuon yn ffefrynnau parhaol i genedlaethau lawer,” meddai.

‘Siopwr anobaith’

Roedd Leonard Cohen wedi dechrau ei yrfa’n fardd a nofelydd cyn troi at ganu gwlad ac wedyn canu gwerin cyfoes, gyda chaneuon a oedd yn dal angst ieuenctid y 60au a’r 70au cynnar.

Roedd un disgrifiad ohono yn ei eiriau ei hun – “siopwr anobaith – the grocer of despair” – ac roedd wedi brwydro yn erbyn iselder ar hyd ei oes.

Ar ôl ei enwogrwydd cynnar yn ganwr dolefus, fe gafodd ail a thrydydd bywyd yn ddiweddarach gyda chefndir mwy melodaidd i’w lais dwfn.

Dod i Gaerdydd

Fe fu’n rhaid iddo ailddechrau teithio yn y ganrif hon ar ôl i un o’i weithwyr ei dwyllo o filiynau o ddoleri ac fe gafodd lwyddiant anferth gyda theithiau oedd yn cynnwys ymweliad â’r Arena Rhyngwladol yng Nghaerdydd.

Roedd wedi cael dylanwad anferth ar gerddorion eraill, gan gynnwys cerddorion Cymreig.

Mae gan y band Brigyn fersiwn o’i  gân enwoca’, Haleliwia, ac ef yw’r ‘Bardd o Fontreal’ yng nghân Bryn Fôn a gafodd ei sgrifennu ar ôl ei weld yn canu yn Nulyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019