Planed arall ‘allai gynnal bywyd’

 


Mae gwyddonwyr wedi dweud bod profion newydd wedi dangos y gallai planed sydd 1,200 o flynyddoedd goleuni i ffwrdd fod â bywyd arni.

Mae Kepler 62f yn un o’r pum planed sydd yn cylchdroi o gwmpas seren gafodd ei ddarganfod gan delesgop Kepler nôl yn 2013.

Bellach mae tîm o Brifysgol California yn Los Angeles wedi rhedeg profion cyfrifiadurol maen nhw’n ei ddweud allai awgrymu fod y blaned yn medru cynnal bywyd.

“Fe wnaethon ni ganfod bod sawl ffurf atmosfferig wahanol allai ei chaniatáu i fod yn ddigon cynnes i gael dŵr hylif arni. Mae hyn yn golygu posibilrwydd cryf y gall fod bywyd arni,” meddai Dr Aomawa Shields, fu’n arwain yr ymchwil.

Mwy i’w gael

Mae Kepler 62f tua 40% yn fwy na’r Ddaear, ac mae’n bosib bod cefnforoedd ar ei harwyneb.

Yn ôl gwyddonwyr mae’r blaned tua 1,200 o flynyddoedd golau i ffwrdd, sydd yn golygu mai dyna’r amser mae’n ei gymryd i olau deithio o’r blaned honno atom ni ar y Ddaear.

Oherwydd y pellter sydd rhwng Kepler 62f a’r seren y mae hi’n ei chylchdroi, fe fyddai angen atmosffer â llawer o garbon deuocsid er mwyn atal unrhyw ddŵr oedd arni rhag rhewi.

Mae dros 2,300 o blanedau eraill wedi cael eu canfod y tu allan i’n system solar ni, ond dim ond dwsinau ohonynt sydd yn cylchdroi mewn pellter sydd ddim yn rhy bell na rhy agos i’w seren i ganiatáu dŵr hylif i fodoli yno.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl