Nepal: O leiaf 2,100 wedi marw

 


Mae o leiaf 2,152 o bobol wedi marw yn dilyn daeargryn a chwymp eira yn Nepal ddoe.

Tarodd y daeargryn 7.8 ar y raddfa ardal Kathmandu ac mae ôl-gryniadau’n parhau heddiw.

Does dim rhagor o fanylion wedi cael eu rhoi hyd yn hyn.

Mae timau achub yn ymgynnull ac yn paratoi i deithio i Nepal i gynnig cymorth.

Mae nifer o wledydd yn paratoi i gynorthwyo’r wlad ond mae pryderon na fydd modd cyrraedd yr ardaloedd eang sydd wedi cael eu heffeithio gan y trychineb.

Mae lle i gredu bod o leiaf 17 o bobol wedi cael eu lladd ar fynydd Everest yn dilyn cwymp eira o ganlyniad i’r daeargryn.

Cafodd 61 o bobol eu hanafu, ac mae nifer sylweddol o bobol yn dal ar goll.

Mae ail-agor maes awyr Kathmandu yn allweddol i’r ymdrechion i gynnig cymorth, ond dydy hynny ddim wedi digwydd eto.

Ymhlith yr elusennau sy’n ceisio cyrraedd yr ardal mae Achub y Plant a Meddygon Heb Ffiniau.

Mae sefydliad y meddygon yn paratoi i anfon 3,000 o becynnau o nwyddau, ac mae’r elusen Habitat for Humanity wedi rhoi 20,000 o becynnau at ei gilydd i’w dosbarthu mewn canolfannau arbennig sydd wedi cael eu sefydlu.

Mae disgwyl i griw achub o Tsieina gyrraedd yn ystod y dydd heddiw, ac mae llysgenhadaeth yr Unol Daleithiau wedi addo rhoi miliwn o ddoleri i helpu’r broses o adfer yr ardal.

Mae llywodraethau Prydain, yr Almaen, Norwy, Eidal, Ffrainc, Monaco a Mecsico hefyd wedi addo rhoi cymorth, ac mae Canada wedi anfon timau achub i Nepal, ac wedi addo rhoi pum miliwn o ddoleri i helpu’r achos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl