Cefnogaeth i’r Tywysog Andrew gan Athro o Harvard

 


Andrew, Dug Efrog
Mae athro yn y Gyfraith o’r Unol Daleithiau yn annog Dug Efrog i ddefnyddio “pob owns o egni” sydd ganddo i ymladd honiadau sy’n cael eu gwneud amdano mewn dogfennau llys yn America.

Mae’r Athro Alan Dershowitz o brifysgol Harvard – sydd, ynghyd a’r Tywysog Andrew, yn cael ei enwi yn y dogfennau – yn dweud fod yr honiadau’n rhan o “batrwm o honiadau ffug” gan y ferch dan sylw.

Mae’r ferch yn honni iddi gael ei gorfodi i gael rhyw gyda chyfres o ddynion pwerus, amlwg, am arian, pan oedd hi dan oed cydsynio.

“Fy nheimlad i ydi, os ydi hi’n dweud celwydd amdana’ i – ac mae hi, yn bendant – ddylai neb gredu ei honiadau am neb arall chwaith,” meddai Alan Dershowitz wrth raglen radio Today ar Radio 4.

“Rydan ni’n gwybod ei bod hi wedi dweud celwydd am ffigyrau cyhoeddus eraill, yn cynnwys cyn-Brif Weinidog,” meddai, “felly dw i’n credu y dylid tybio bod ei honiadau yn erbyn y Tywysog Andrew hefyd yn rhai ffug.

“All neb ganiatau i honiadau fel hyn hongian uwch ei ben… Mae’n rhaid cwffio’n ol gyda phob owns o egni sydd ganddoch chi.”

Neithiwr, fe gyhoeddodd Palas Buckingham ddatganiad yn dweud nad oedd gwir o gwbwl i’r honiadau am Andrew, Dug Efrog.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones