Cefnogwr yn siwio ar ôl cael ei daro gan bêl

 


Mae un o gefnogwr tîm yn Uwch Gynghrair Lloegr yn siwio’r clwb ar ôl cael ei daro’n anymwybodol gan bêl yn ystod sesiwn hyfforddi.

Dywedodd cadeirydd Sunderland AFC, Niall Quinn wrth raglen Total Sport bod cefnogwr yn bwriadu mynd a’r clwb i’r llys yn dilyn y ddamwain.

Roedd cyflwynydd y rhaglen radio wedi gofyn i’r cadeirydd a fyddai’n ystyried caniatáu i gefnogwyr wylio sêr y clwb yn hyfforddi.

“Cafodd un o’r cefnogwyr ei anafu,” atebodd Niall Quinn.

“Dw i’n credu fod Djibril Cisse wedi methu gôl o 20 llath.

“Dw i’n chwerthin am y peth nawr, ond fe gafodd y cefnogwr ei daro’n anymwybodol. Roedd yn eithaf difrifol.

“Mae’r cefnogwr hwnnw yn ceisio ein siwio ni rŵan.”

Gwrthododd Sunderland AFC gynnig unrhyw sylw pellach ar y mater.

Chwaraeodd Djibril Cisse dros Sunderland 38 gwaith yn ystod tymor 2008-9, gan sgorio 11 o weithiau. Roedd ar fenthyg o Marseille ar y pryd.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones