Marw cyn-olygydd y Times

 

Mae’r Arglwydd Rees-Mogg, cyn-olygydd The Times, wedi marw yn 84 oed.

Fel golygydd y papur rhwng 1967 ac 1981, ac fel colofnydd cyson ar ôl hynny, roedd William Rees-Mogg yn ffigur dylanwadol yng ngwleidyddiaeth Prydain.  Fe fu hefyd yn is-gadeirydd y BBC ac yn gadeirydd Cyngor Celfyddydau Prydain.

Cafodd ei ddyrchafu’n arglwydd yn 1988 ac eisteddai fel croes-feinciwr yn Nhŷ’r Arglwyddi, er iddo sefyll fel ymgeisydd seneddol i’r Ceidwadwyr ddwywaith yn yr 1950au.

Ymysg y rhai sydd wedi talu teyrnged iddo mae’r Prif Weinidog David Cameron:

“Mae William Rees-Mogg yn llawn haeddu’i le fel rhan o chwedloniaeth Fleet Street – wrth olygu’r Times trwy gyfnod cythryblus gyda dawn ac unplygrwydd,” meddai.

“Roeddwn i bob amser yn ei weld fel dyn llawn doethineb a chynghorion da – yn enwedig pan wnes i gychwyn fel Arweinydd yr Wrthblaid.”

Mae’n gadael gwraig a phump o blant, gan gynnwys yr Aelod Seneddol Torïaidd Jacob Rees-Mogg.

Prydain

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed