Tanwydd Prydain – y drutaf yn Ewrop

Diweddarwyd  


Tanwydd Prydain yw’r drutaf yn Ewrop, yn ôl cwmni moduro’r AA, ac maen nhw’n galw am greu swydd newydd i reoleiddio’r prisiau.

Maen nhw hefyd wedi galw ar y Canghellor i newid ei feddwl a pheidio â chodi’r dreth ar danwydd yn y gwanwyn.

Mae pris tanwydd wrth y pwmp wedi cyrraedd ei lefel uchaf erioed ym Mhrydain erbyn hyn, gan anwybyddu’r gostyngiad pris ar y farchnad Ewropeaidd, meddai’r AA.

Mae pris petrol wedi cyrraedd cyfartaledd o 128.81 ceiniog y litr erbyn hyn – i fyny 0.54 ceiniog ers canol Ionawr.

Mae pris disel hefyd wedi cyrraedd uchelfannau newydd, ar gyfartaledd o 134.01 ceiniog y litr – cynnydd o 1.26 ceiniog. Ond mae wedi croesi 136 ceiniog mewn rhannau o gefn gwlad Cymru.

Yn ôl yr AA, fyddai’r cynnydd mewn Treth ar Werth ddim wedi effeithio ar bris tanwydd, pe bai’r gostyngiad yn y pris yn Ewrop wedi digwydd yng ngwledydd Prydain hefyd.

Galw am ‘reoleiddiwr pris tanwydd’

Mae’r AA nawr yn galw ar ddileu’r cynnydd mewn treth ar danwydd ar Ebrill 1, ac yn galw ar y llywodraeth i sefydlu rheoleiddiwr prisiau – fel sy’n bod eisoes ym maes ynni cartref.

Fe fyddai’r rheoleiddiwr yn cysylltu rhwng y marchnadoedd, y gwerthwyr tanwydd a’r cwsmeriaid, er mwyn egluro symudiadau mewn pris a gwahaniaethau rhwng trefi cyfagos,” meddai’r cwmni.

Maen nhw hefyd eisiau gweld cyhoeddi manylion am y prisiau cyfanwerthu a’r prisiau wrth y pwmp.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones