Toriadau yn ‘tanseilio’ y Gymdeithas Fawr

 


Llyfrgell Llanfairfechan, sydd mewn peryg o gau
Mae Cymdeithas Fawr y Prif Weinidog, David Cameron, yn cael ei danseilio gan doriadau gwario’r llywodraeth, yn ôl arweinydd un o elusennau mwyaf Prydain.

Bydd y Fonesig Elisabeth Hoodless yn ymddeol cyn hir ar ôl arwain elusen Gwirfoddolwyr Gwasanaeth Cymunedol ers 40 mlynedd.

Dywedodd fod toriadau’r llywodraeth mewn perygl o “ddinistrio” y llu o wirfoddolwyr sydd yng Ngwledydd Prydain.

Roedd y Prif Weinidog wedi goramcangyfrif faint o gyfrifoldeb oedd gwirfoddolwyr yn fodlon ei ysgwyddo, meddai.

Dywedodd Elisabeth Hoodless wrth bapur newydd y Times bod toriadau gwario Llywodraeth San Steffan yn golygu fod llai o gyfle i bobol wirfoddoli.

“Ydi un llaw yn gwybod beth mae’r llaw arall yn ei wneud? Mae angen i ni arbed arian ond mae yna ffyrdd gwell o wneud hynny heb ddinistrio’r fyddin o wirfoddolwyr sydd gyda ni,” meddai.

“Unwaith ydych chi’n cau llyfrgell does yna ddim lle arall i wirfoddolwyr gynnig helpu.

“Does bron i neb eisiau gwirfoddoli i gynnal llyfrgell eu hunain. Mae’r rhan fwyaf eisiau gwybod fod arbenigwr yn yr adeilad.

“Maen nhw’n ddigon hapus i roi llyfrau ar y silffoedd, ond dydyn nhw ddim eisiau cymryd cyfrifoldeb dros weinyddu’r lle.”

Ymateb

Dywedodd y gweinidog cymdeithas sifil, Nick Hurd, wrth raglen Today y byddai yna fuddsoddiad er mwyn annog pobol i wirfoddoli.

“Mae gan fy adran i £470 miliwn i’w wario dros y pedair blynedd nesaf, ac rydyn ni wedi rhoi £100 miliwn o’r neilltu ar gyfer elusennau sydd mewn perygl o gau,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones