Rhaid derbyn gwerthoedd Prydain, meddai Cameron

 


David Cameron - llai o oddefgarwch
Mae angen cymryd agwedd galetach at grwpiau o ddiwylliannau eraill sy’n gwrthod gwerthoedd gwledydd Prydain, meddai’r Prif Weinidog.

Mewn araith ym Munich heddiw, fe fydd David Cameron yn dweud bod rhaid rhoi diwedd ar y syniad o oddef grwpiau sy’n cadw ar wahân.

Yn lle hynny, fe fydd yn dweud bod polisiau’r blynyddoedd wedi methu a bod angen mynnu fod pobol o ddiwylliannau eraill hefyd yn derbyn ffordd o fyw gwledydd Prydain.

Fe fydd yn galw am “ryddfrydiaeth gyhyrog” yn hytrach na “goddefgarwch tawel” – yn ôl gwybodaeth ymlaen llaw am yr araith, fe fyddai hynny’n golygu gwrthod llwyfan a chefnogaeth i grwpiau sy’n pregethu ar wahanrwydd.

Yn ogystal ag amddiffyn gwerthoedd, meddai, mae hynny’n angenrheidiol i atal pobol ifanc rhag troi’n eithafwyr a therfysgwyr.

Yr araith

Fe fydd David Cameron yn nodi rhai o’r pethau sydd, meddai, yn nodweddion y mae’n rhaid eu hamddiffyn ac y bydd disgwyl i bobol eraill eu cefnogi.

“Rhyddid gwybodaeth. Rhyddid addoli. Democratiaeth. Ufuddhau i’r gyfraith. Hawliau cyfartal, waeth beth yw hil, rhyw, neu rywioldeb pobol.

“Rhaid i bob un ohonon ni yn ein cymunedau fod yn ddiamwys a phenderfynol ynglŷn ag amddiffyn ein rhyddid fel hyn.

Fe fydd hefyd yn ceisio pwysleisio bod gwahaniaeth rhwng Moslemiaid selog ac eithafwyr Islamaidd ond fe fydd yn dweud bod priodasau gorfodol yn enghraifft o arfer annerbyniol gan ddiwylliannau eraill.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones