Llywodraeth San Steffan wedi ‘bradychu’ pobol ifanc

 


Ed Miliband
Pobol ifanc heddiw fydd y genhedlaeth gyntaf mewn canrif i gael eu magu dan amodau gwaeth na’u rhieni, honnodd arweinydd yr wrthblaid heddiw.

Cyhuddodd Ed Miliband Llywodraeth San Steffan o “gicio’r ysgolion i ffwrdd” a “bradychu” pobol ifanc, gan gyfeirio’n benodol at godi ffioedd dysgu.

Rhyddhaodd y Blaid Lafur arolwg oedd yn dangos bod 71% o’r rheini a holwyd yn credu y byddai gan y genhedlaeth nesaf fywyd anoddach na’u rhieni.

Dim ond 9% oedd yn credu y byddai pethau’n haws i’r genhedlaeth nesaf.

Dywedodd Ed Miliband mai’r “addewid Brydeinig” oedd y byddai pob cenhedlaeth yn cael gwell cyfle i lwyddo na’r genhedlaeth ddaeth o’r blaen.

Ond roedd toriadau Llywodraeth San Steffan “yn dinistrio cyfleoedd plant a phobol ifanc ac yn tanseilio dyfodol Prydain,” meddai.

“Fy ofn i ydi bod y Llywodraeth yn cicio’r ysgolion i ffwrdd yn hytrach na cheisio darparu’r dyfodol orau posib ar gyfer ein plant.”

Ymateb

Ond dywedodd y Dirprwy Brif Weinidog bod sylwadau arweinydd y Blaid Lafur yn “anghredadwy” am mai’r wrthblaid oedd yn gyfrifol am ddyled y wlad yn y lle cyntaf.

“Etifeddiaeth y Blaid Lafur i bobol ifanc Prydain ydi argyfwng economaidd anferth a dyled y bydd rhaid iddyn nhw ei ysgwyddo am flynyddoedd,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones