Cyhuddo cwmnïau awyr o fanteisio ar y coronafeirws i dorri swyddi

 

Awyren British Airways

Awyren British Airways

Mae undebau’n cyhuddo cwmnïau awyr o fanteisio ar y coronafeirws er mwyn torri swyddi.

Mae Brian Strutton, ysgrifennydd cyffredinol undeb Balpa, wedi dweud wrth aelodau seneddol fod cwmnïau’n “manteisio ar yr argyfwng”.

Ymhlith y cwmnïau sy’n ceisio torri swyddi mae British Airways, Ryanair a Virgin Atlantic.

Yn ôl IAG, perchnogion British Airways, does dim disgwyl i’r galw am deithiau awyr gynyddu eto tan 2023.

Yn ôl maes awyr Gatwick, fe allai gymryd hyd at 2024 i adfer y sefyllfa.

‘Gorddweud y broblem’

“Dw i’n credu bod cwmnïau awyr yn gorddweud y broblem,” meddai Brian Strutton wrth bwyllgor trafnidiaeth San Steffan.

“Dydy’r rhagolygon sydd gan rai o benaethiaid y cwmnïau awyr o adfer o fewn pump i chwech o flynyddoedd, ddim yn unol â rhagolygon safonau’r diwydiant.

“Yr wythnos ddiwethaf, fe wnaeth Iata (y Gymdeithas Trafnidiaeth Awyr Ryngwladol), sydd fel arfer yn faen prawf ar gyfer y pethau hyn, gyhoeddi ei ragolygon newydd, gan ddweud y bydden ni’n ôl i lefelau 2019 erbyn diwedd 2022.

“Rydyn ni ar drai ar hyn o bryd, a byddwn ni’n dod allan o fewn dwy flynedd a hanner, a dw i’n credu bod cwmnïau’n manteisio ar y sefyllfa’n ormodol er mwyn manteisio ar yr argyfwng i wneud newidiadau a lleihau eu gweithlu’n ddiangen.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn