Hacwyr yn cael hyd i wybodaeth naw miliwn o deithwyr easyJet

 

Llun: CC0

Mae manylion naw miliwn o deithwyr easyJet wedi cael eu caffael gan hacwyr – ynghyd â manylion cardiau credyd 2,208 o gwsmeriaid.

Enwau, cyfeiriadau e-bost, cyrchfannau teithiau a dyddiadau teithio’r rhan fwyaf o bobol oedd wedi cael eu datgelu i’r hacwyr.

Dywed y cwmni yn Luton nad oes tystiolaeth fod unrhyw fanylion wedi cael eu camddefnyddio yn dilyn yr ymosodiad seibr.

Mae easyJet wedi dechrau cysylltu â chwsmeriaid ac maen nhw’n addo rhoi gwybod i bawb yn unigol erbyn Mai 26.

Dydy hi ddim yn glir pryd ddigwyddodd yr ymosodiad.

Mae easyJet wedi ymddiheuro am y sefyllfa.

Cyngor

Yn ôl cwmni cwsmeriaid Which?, mae’n bwysig fod pobol sy’n poeni y gallen nhw fod wedi cael eu heffeithio’n newid eu cyfrinair ar wefan easyJet a gwefannau eraill lle mae’r un cyfrinair yn cael ei ddefnyddio.

Dylai pobol hefyd gadw llygad barcud ar eu cyfrifon banc a’u hadroddiadau credyd, a bod yn wyliadwrus o e-byst sy’n ymddangos yn ffug ar wefannau cymdeithasol.

Nid dyma’r tro cyntaf i gwmi awyr gael ei dargedu’n ddiweddar.

Y llynedd, fe ddaeth i’r amlwg fod British Airways wedi cael dirwy o £183m ar ôl i fanylion mwy na hanner miliwn o gwsmeriaid gael eu hacio mewn digwyddiad oedd wedi dechrau ym mis Mehefin 2018.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn