Craffu ar farwolaethau mewn cartrefi gofal

 

Bydd sylw arbennig yn cael ei roi i farwolaethau mewn cartrefi gofal yn sgil adroddiadau bod gweinidogion yn gwybod fis yn ôl y byddai gweithwyr dros dro yn helpu i ledaenu’r feirws.

Heddiw (dydd Mawrth, Mai 19), bydd penaethiaid gofal yn ymddangos gerbron Aelodau Seneddol San Steffan i roi tystiolaeth ar sut mae cartrefi gofal a’u staff yn ymdopi â’r pandemig.

Daw hyn ar ôl i’r Guardian honni bod adroddiad Iechyd Cyhoeddus Lloegr wedi darganfod fod gweithwyr wnaeth ledaenu’r coronafeirws mewn chwe chartref gofal wedi cael eu dewis i weithio yn lle staff oedd yn hunanynysu.

Dywed y papur fod yr adroddiad wedi cael ei gynnal dros benwythnos y Pasg rhwng Ebrill 11 a 13.

Mae’n debyg bod dros 22,000 o bobol wedi marw mewn cartrefi gofal yng Nghymru a Lloegr, gyda Boris Johnson, prif weinidog Prydain, yn dweud bod yna “epidemig ofnadwy wedi bod mewn cartrefi gofal”.

Wrth i nifer y marwolaethau yn y Deyrnas Unedig basio 41,500 ddoe (dydd Llun, Mai 18), honnodd adroddiad gan Ddarparwyr GIG fod cleifion coronafeirws wedi cael eu rhyddhau o ysbytai i gartrefi gofal yn fwriadol ac yn systematig er mwyn gwneud gwlâu ar gael.

Arian

Wythnos diwethaf, cyhoeddodd y Llywodraeth “Gronfa Rheoli Haint” gwerth £600 miliwn i leihau effaith y feirws mewn cartrefi gofal.

Daeth yr arian yma, oedd yn rhannol ar gyfer talu costau staff ychwanegol cartrefi gofal, gydag amod fod rheolwyr yn sicrhau fod gweithwyr ddim ond yn gweithio mewn un cartref.

Fodd bynnag, doedd y cyngor gwreiddiol a gafodd ei roi i ddarparwyr gofal cymdeithasol ddim yn nodi bod angen cyfyngu ar symudiadau staff.

Bydd pwyllgor iechyd a gofal cymdeithasol Tŷ’r Cyffredin yn cwestiynu nifer o arbenigwyr a phenaethiaid o’r sector gofal.

“Rydym yn gweithio’n ddiflino i sicrhau bod cartrefi gofal ac ein gweithlu gofal cymdeithasol yn derbyn y gefnogaeth maent ei angen i warchod eu preswylwyr a thaclo’r coronafeirws,” meddai llefarydd ar ran yr Adran Iechyd a Gofal Cymdeithasol.

“Mae ein help i gartrefi gofal, sy’n cynnwys cefnogaeth ariannol, hyfforddiant rheoli haint a chyflenwadau cyfarpar diogelu personol wedi golygu fod dau draean o gartrefi gofal Lloegr heb ddioddef o’r feirws o gwbl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn