SNP am ymestyn cyfnod trosglwyddo Brexit am ddwy flynedd

 
Baner Jac yr Undeb gyda'r gair Brexit drosti

Llun: CC0

Mae Ian Blackford, arweinydd yr SNP yn San Steffan, yn annog y gwrthbleidiau eraill i gefnogi estyniad o ddwy flynedd i gyfnod trosglwyddo Brexit yn sgil argyfwng y coronafeirws.

Mewn llythyr at arweinwyr yr holl bleidiau, dywed Ian Blackford fod angen i’r cyfnod trosglwyddo Brexit gael ei ymestyn y tu hwnt i Ragfyr 31 – rhywbeth mae Llywodraeth Prydain yn ei wrthwynebu.

“Mae rhaid i’n holl ymdrechion fynd tuag at ymateb i’r argyfwng sydd wedi cael ei achosi gan y feirws Covid-19, a dylai bod yr holl agendâu gwleidyddol eraill gael eu rhoi o’r neilltu wrth i ni roi’r flaenoriaeth i achub bywydau a gwarchod incwm pobol,” meddai.

“Yn y cyd-destun yna, rwy’n credu mai nawr yw’r foment iawn i uno fel gwrthbleidiau yn San Steffan i alw am estyniad o ddwy flynedd i gyfnod trosglwyddo Brexit.

“Byddai’r safiad cryf, unedig yn anfon neges bwerus i’n ffrindiau a’n partneriaid yn Ewrop, sy’n ffafriol i resymeg a synnwyr y cais hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn