Ysgrifennydd Cartref yn wynebu camau cyfreithiol

Diweddarwyd am  
Y gwleidydd yn annerch ac yn egluro ei phwynt yn defnyddio ei dwylo

Priti Patel AS

Llun: Policy Exchange CC 2.0 trwy Commons Wikimedia

Mae cyn-brif was sifil y Swyddfa Gartref Syr Philip Rutnam wedi dechrau camau cyfreithiol yn erbyn yr Ysgrifennydd Cartref Priti Patel.

Ymddiswyddodd Syr Philip Rutnam ym mis Chwefror yn sgil honiadau o fwlio yn erbyn Priti Patel.

Daw’r newyddion diweddaraf ynglŷn â’r camau cyfreithiol wrth i Swyddfa’r Cabinet gwblhau ymchwiliad i honiadau ei bod wedi bwlio uwch swyddogion yn ogystal â bychanu cydweithwyr.

Mewn datganiad, dywedodd ysgrifennydd cyffredinol undeb yr FDA, sy’n cynrychioli gweision sifil, Dave Penman: “Mae Syr Philip Rutna, gyda chefnogaeth ei dîm cyfreithiol a’r FDA, wedi cyflwyno cais i’r tribiwnlys cyflogaeth ynghylch diswyddo annheg ac yn erbyn yr Ysgrifennydd Cartref.

“Ni fydd Syr Philip Rutnam yn gwneud sylwadau pellach ar hyn o bryd.”

Cefndir

Pan ymddiswyddodd Syr Philip Rutnam, bu’n feirniadol iawn o Priti Patel, gan honni ei fod wedi bod yn darged “ymgyrch briffio fileinig oedd wedi’i chynllunio” gan yr Ysgrifennydd Cartref.

Mewn datganiad gafodd ei ryddhau gan ei gyfreithwyr ar y pryd, dywedodd fod Priti Patel yn gwadu’r honiadau yn ei herbyn.

“Mae’n ddrwg gen i nad ydw i’n ei chredu hi,” meddai wedyn.

“Dydy hi ddim wedi gwneud yr ymdrech y byddwn i’n ei ddisgwyl er mwyn ymbellhau oddi wrth y sylwadau.

Aeth ymlaen i ddweud bod “Priti Patel ddim wedi gwneud unrhyw ymdrech i ymgysylltu â fi er mwyn trafod hyn.”

Roedd un adroddiad yn awgrymu fod Priti Patel wedi ceisio symud Syr Philip Rutnam o’i hadran yn dilyn cyfres o ddadleuon.

Dywed Priti Patel fod yr honiadau yn “ffals,” gyda rhai yn ei disgrifio fel bos “heriol” ond nid bwli.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn